Est cumentzadu su progetu subracomunale A IN ANTIS IN SARDU! SA LIMBA IN S'AMMINISTRATZIONE PÙBLICA'', finantziadu cun sa L. 482/99 e LR 22/2018, Annualidade 2022. Nde faghent parte sos comunos de Fonne (capufila), Orane e Orgòsolo.
Su progetu previdet s'apertura de un'ufìtziu linguìsticu in ognuna de sas biddas remonadas, chi s'at a ocupare de sa tradutzione in sardu de sos documentos in essidade dae s'ente comunale e at a retzire su pùblicu in limba sarda, domende assistèntzia a sa tzitadinàntia, a sas iscolas e sas realidades culturales de su logu.
Su progetu previdet fintzas sa realizatzione de tres curso de limba sarda, unu de ortografia, unu de comunicatzione pro sas impresas, e unu dedicadu a su cantu a tenore.
In prus est prevìdida peri unu laboratòriu didàticu in sardu pro sos pipios de s'iscola de s'infàntzia chi ant a ammaniare paris cun sos espertos una rapresentatzione teatrale dedicada a personàgios de cabbale de su logu.
S'oràriu de apertura de sos ufìtzios est su sighente:
Comunu de Fonne: lunis dae sas 9.30 a sas 12.30 (a su pùblicu) e dae is 14.00 a is 18.00 (retro-ufìtziu)
Comunu de Orgòsolo: martis dae sas 9.30 a sas 12.30 (a su pùblicu) e dae is 14.00 a is 18.00 (retro-ufìtziu)
Comunu de Orane mèrcuris dae sas 9.30 a sas 12.30 (a su pùblicu) e dae is 14.00 a is 18.00 (retro-ufìtziu)
Is operadores ant a èssere su dot. Ivan Marongiu e sa dot.a Chiara Loi
Pro informatziones e crarimentos podides iscrìere a suia.snc@gmail.com, o telefonare a su 329 8703515
